Fomba iray azo antsoina hoe
loharanom-bola ihany koa ny Blog / website na ny tranon-kala. Tsy voatery hanana
traik'efa na fahalalana manokana mikasika ny informatika ny olona iray vao
afaka manana Blog / website na tranon-kala. Ny tenako izay manoratra
dia tsy mba manana mari-pahalalana manokana mikasika ny informatika fa mba
nentin'ny saina tia mikarokaroka dia mba nahita ny maminy tamin'ny alalan'ny
famoronana tranon-kala.
Misy karazany
betsaka ny tranon-kala azo foronina
(miankina tanteraka amin'ny inspiration'ny mpamorona izany). Ao ireo
tranon-kala izay miompana manokana amin'ny resaka fanabeazana, fanoroana lalana
(tutorial), fahasalamana, vaovao, citation, dll ... Ao ihany koa ireo
tranon-kala izay natokana tanteraka ho an'ny olon-dehibe (Adult content
warning). Ny fanontaniana mipetraka dia ny hoe: "ahoana no fomba hahazoana
vola avy amin'ireny Blog / website na ny tranon-kala ireny?"
1. Mametraka
publicité Ny
lalana iray lehibe sady tena mahomby dia ny fametrahana dokam-barotra (publicité)
ao amin'ny tranon-kalanao. Ireto sites tanisaiko
eto ambany ireto no isany amin'ireo sites izay azo iarahana miasa amin'ny
fametrahana an'izany dokam-barotra izany ao amin'ny tranon-kalanao.
Voasokajy ho
laharana voalohany ny Google AdSense, orin'asa iray an'ny Google izy
ity ary mizara hatrany amin'ny 68%n'ny vidin'ilay dokam-barotra ho an'ireo tranon-kala mpiara miasa aminy.
PPC na Pay Per Click no iantsoana ny fiaraha-miasa, izany hoe 68% avy amin'io
vidin'ny dokam-barotra io no azon'ny tompon'ny tranon-kala raha toa ka misy mi
click ilay dokam-barotra. Amin'ny ankapobeny dia $0,001 - $50 ny vidin'ny
dokam-barotra iray ao amin'ny Google AdSense.
Maromaro ireo fepetra takina avy amin'ny tranon-kala iray vao afaka ho
lasa mpiara-miasa amin'ny Google AdSense, toy ny: contenu n'ilay website (tsy miara-miasa amin'ny tranon-kala mandefa sary
mamoafady, teny miendrika fanavakavaham-bolokoditra, dll ... ny Google AdSense), ny habetsak'ireo
mpitsidika ny tranon-kalanao (1000 isan'andro
farafahakeliny).
Porofo: (jereo ny sary eto
ambany)
Fomba fakana vola avy amin'ny Google AdSense: Western Union, Bank
(carte visa).
Vola azo
alaina: 70
Euro na $100 farafahakeliny.
b. RevenueHits
Ny RevenueHits indray dia
mifanohitra tanteraka amin'ny Google AdSense. Voaray automatique ny tranon-kala rehetra izay
misoratra anarana. CPA na ny Cost Per Action no iantsoana ny fiaraha-miasa.
Izany hoe mahazo vola ny tranon-kala anankiray
izay mametraka dokam-barotra avy amin'ny RevenueHits raha toa ka mi
telechargé, mi-abonné (arakarak'izay takian'ilay dokam-barotra) ny
mpitsidika. Ireny tranon-kala mpizara lien,
logiciel, tranon-kala misy hira, video,
fitaovana informatika, jeux ireny no tena mety sy mahomby amin'ity
fiaraha-miasa miaraka amin'ny RevenueHits ity. Fadiana ihany
koa anefa ny mametraka dokam-barotra avy amin'ny RevenueHits raha toa ka misy sary
na sary mihetsika vetaveta ny Blog / website nao. Paypal no akana ny vola ary $20
ny vola farafahakeliny azo alaina.
c. PopAds
Ny PopAds indray
dia hafa tanteraka amin'ireo voatanisa teo ambony ireo. PPV (Pay Per View) na
CPM (Cost Per Mille impression) no iantsoana ny fiaraha-miasa. Izany hoe omena
vola ny tompon'ny tranon-kala raha toa ka mijery ny
dokam-barotra alefan'ny PopAds ny mpitsidika. Amin'ny
ankapobeny dia mahasorena ny mpitsidika ity dokam-barotra avy amin'ny PopAds ity
satria tsy mifanaraka amin'ny zavatra tiana ho clickena sy ho jerena ny lien
misokatra. Ireny tranon-kala misy sary mamoa fady
(pornographique) ireny no tena mampiasa an'ity dokam-barotra avy amin'ny PopAds ity.
$5 ny vola farafahakeliny azo alaina, ary afaka alaina amin'ny Paypal sy Payza.
2. Affiliate
programs
a. Amazon
b. eBay
Ny Affliate
programs indray dia fiaraha-miasa mety ahazoam-bola raha toa ka miompana
amin'ny fivarotana zavatra en ligne ny tranon-kalanao. Misoratra anarana ao
amin'ny foibe Amazon sy eBay ianao,
ary maka produits (logiciel, boky, film, hira, dll...) hamidy ao amin'ny
tranon-kalanao. Isakin'ny mahalafo entana ianao dia hahazo pourcentage kely avy
amin'izany vidin'entana lafonao izany. Mbola Paypal sy Payza hatrany
no akana ireo vola azo avy Amazon sy eBay.